Pagudpud, San Fernando City, La Union — December 2, 2025.

Sa layuning mas palakasin ang seguridad sa pagkain, kalusugan, at disiplina sa paghahalaman ng mga batang Fernando at Fernanda, matagumpay na isinagawa ngayong araw ang Division-Wide Launching ng Gulayan sa Tahanan sa Pagudpud Integrated School Covered Court.

​

Pinangunahan ang programa ng Schools Division Office of the City of San Fernando (La Union) sa pamumuno ni Dr. Sheila Marie A. Primicias, CESO VI, Schools Division Superintendent, na nagbigay ng inspirasyonal na mensahe tungkol sa kahalagahan ng community participation at home-based gardening bilang bahagi ng adbokasiyang pangkalikasan at pangkalusugan ng SDO.

​

Sa kaniyang mensahe, binigyang-diin ni Dr. Primicias na ang Gulayan sa Tahanan ay hindi lamang isang proyekto, kundi isang lifelong habit na dapat itanim sa bawat kabahayan—isang konkretong hakbang tungo sa mas sustenableng pamayanan at mas malusog na mga bata.

​

Nagbahagi rin ng makabuluhang best practices si Mrs. Myla M. Ducusin, Principal IV, na nagbigay-diin sa epektibong estratehiya ng paaralan sa pagpapatupad ng Gulayan sa Paaralan at kung paano ito maaaring i-extend sa bawat tahanan—mula sa urban gardening, paggamit ng recyclable materials, hanggang sa gulay-based nutrition classes para sa mga magulang at bata.

​

Ipinakilala naman sa publiko ang mga Program Focal Persons, pangungunahan ni Dr. Edmund A. Cabusora, Senior Education Program Specialist. Sina Dr. Theza Zonette S. Medrano, Education Program Supervisor at Division Nurse Irish Macanay naman ang nanguna sa talakayan patungkol sa rationale ng program.

​

Samantala, binigyang-diin ni G. Kenedy Flores, Education Program Specialist, ang kahalagaan ng Division Memorandum 803 s. 2025 kung sana nilinaw niya ang papel na ginagampanan ng mga punong-guro sa pagpapalakas ng mga initiatives ng ating dibisiyon.

​

Sila ang magsisilbing pangunahing tagapagpatupad ng mga polisiya, monitoring strategies, at capacity-building activities para sa pagpapatuloy ng programa sa lahat ng paaralan at komunidad sa lungsod.

Naghatid din ng mensahe ng suporta si Mrs. Claire P. Morales, SPTA President, na binigyang-halaga ang aktibong papel ng mga magulang sa pagpapatatag ng kultura ng paghahalaman sa kani-kanilang tahanan.

​

Sa huli, ibinahagi ni Dr. Edgardo P. Cosares, Chief Education Supervisor (SGOD), ang Ways Forward para sa mas sistematikong implementasyon ng programa—kabilang ang strengthened M&E, distribution ng IEC materials, intensification ng community-based nursery, at pagpapatuloy ng inter-school innovation sharing.

Ang matagumpay na launching ay pinangunahan ni Mr. Jojo M. Libao at nilahukan ng mga school heads, guro, magulang, focal persons, at iba’t ibang sektor ng komunidad na handang makiisa para sa isang mas luntian at mas masustansyang San Fernando City.

​

“Gulayan sa Tahanan: Tanimin ang Pag-asa, Ani’y Kinabukasan.”

Sa pagsisimula ng proyektong ito, layon ng SDO na palawakin ang kultura ng pagtatanim at pagsasarili ng bawat pamilyang Fernando at Fernanda—upang masiguro na ang bawat hapag ay may masustansyang pagkain, at ang bawat tahanan ay nagiging aktibong bahagi ng mas malawak na adhikain sa agrikultura, nutrisyon, at sustainability.